LECTURAS PARA O VERÁN 26

 

ANDAINA POLAS INSUAS DO MIÑO

 O día 19 de xuño para rematar este curso realizaremos unha RUTA DE SENDEIRISMO polas INSUAS DO MIÑO - RÁBADE. Participarán todos os nenos/as de Infantil e Primaria xunto con todo o profesorado.

As distancias estarán adaptadas ás idades dos nenos/as. Organizaranse XOGOS NA NATUREZA e haberá para todos/as unha merenda saudable.

DIA DO MEDIO AMBIENTE 26

 Con motivo do Día do Medio Ambiente, o alumnado do noso centro participou nunha xornada de recollida de lixo nos arredores do colexio exercendo de guías e motor da xornada os nenos/as de 5º e 6º de E.P.

A actividade tivo como obxectivo facer reflexionar aos alumnos/as sobre a importancia de coidar os espazos que utilizamos cada día e sobre as consecuencias que ten tirar lixo ao chan ou non respectar o contorno.

DÍA DE MERCADO EN RÁBADE

 Hoxe 2 de xuño, os nenos/as e 5° e 6° de E.P  asistiron xunto coas súas profes  ó mercado da súa vila, onde  coñeceron o seu  funcionamento, a súa importancia para a comunidade, valoraron o comercio de proximidade e o traballo dos vendedores e aprenderon a identificar distintos tipos de produtos que se venden no mesmo. Unha xornada produtiva e divertida!