O día 25 de febreiro culminamos a festa do ENTROIDO cunha morea de actividades realizadas ó longo da semana:
- Decoración de espazos comúns do centro.
- Manualidades nas aulas en relación coa conmemoración.
-Realización das Tanxugueiras a modo de entroido.
- Realización do Meco "Covid-19"
O día 25 todos os nenos/as de Educación Infantil e Educación Primaria asistiron o cole disfrazados de forma libre e queimamos o Meco.
Hoxe, día 23 de febreiro celebramos no noso cole o DÍA DE ROSALÍA DE CASTRO, unha escritora galega que merece ser recordada en todos os ámbitos, e moito máis, no noso.
Unha celebración con moitas actividades dinamizadoras relacionadas coa vida e a obra desta escritora galega: obradoiro de impresión 3D, manualidades, vídeos, lecturas, poemas... e ata se animaron os nenos/as de 6º de Educación Primaria a cantar "MALAXENTE", unha versión do hit do momento "Malamente" co poema "Castellanos de Castilla" de Rosalía de Castro
NORABOA A TOD@S!! 💓💓
 |
| CALENDARIO OBRADOIRO IMPRESIÓN 3D |
UNIDADES DIDÁCTICAS
COÑECENDO A ROSALÍA
POEMAS E CANTARES GALLEGOS
O espazo maker e a súa utilización supón :
– Unha metodoloxía activa e de carácter eminentemente práctico, que empodera aos nenos/as. Eles falan, escóitanse e toman decisións dentro do grupo. Aprenden facendo!
– Os nenos/as equivócanse e aprenden dos seus erros, melloran os seus diseños partindo deses erros e xestionan a frustración, desenvolvendo a capacidade de seguir adiante, con perseverancia, e entenden o fracaso como parte normal e precisa do aprendizaxe. É o sistema de ensaio - erro.
– Estes espazos facilitan a inclusión, por medio de los diferentes papeis que os nenos/as poden desempeñar dentro dos grupos, é un aprendizaxe cooperativo no que se fomenta o sentimento de comunidade, a tolerancia e o respeto.
– Motívanse aos alumnos/as con obxectivos e temáticas interesantes para eles, ligadas ó mundo real e a problemas existentes. Os alumnos involúcranse. Construír algo que lles gusta fainos sentir orgullosos. Mellora a súa concentración e invítaos a preguntar, fomentando a súa creatividade, a curiosidade e a cultura emprendedora, mediante o pensamiento lóxico e a experimentación, animándoos a investigar.
– Serve para todas as idades. Inclúe as TICS , sendo moi útiles para desenvolver a competencia dixital e a tecnolóxica dos alumnos/as .
– Todo isto, implica un aumento da autonomía dos nenos/as , da súa autoestima e, nunha mellora do comportamento. Contribúe ó desenvolvemento da capacidade de resolución de problemas, do seu pensamento crítico e das súas habilidades comunicativas, persoais e emocionais.
– Presencia, polo tanto, as catro Cs fundamentais na educación: curiosidade, creatividade, competencias e cooperación. Ademais de moitas outras ventaxas para os nenos/as do século XXI.
O VOLUNTARIADO DE 6º ED. PRIMARIA CONTAN UN CONTO ÓS NENOS/AS DE 5º DE ED. INFANTIL NO TEMPO DE LECER. 👋👋👋👋💓
A LECTURA FOMENTA : A AMIZADE, A CONFRATERNIDADE, A SOLIDARIEDADE, A COOPERACIÓN, MELLORA A AUTOESTIMA, INCULCA VALORES...
O venres día 28 de xaneiro celebramos o día da PAZ e a NON VIOLENCIA (30/01/22) co lema:
"BAILAMOS POLA PAZ"
Todos os nenos/as de Educación Infantil e Educación Primaria presentaron as súas coreografías practicadas durante todo este mes e interconectadas co PDI.: "As viaxes de Rabadín por América". TODO UN ÉXITO!
Asemade, realizaron un mural conxunto relacionado con dita temática.
Todas as coreografías foron gravadas para que as familias poidades desfrutar dese momento. Espero que vos divirtades!👋👋👋👋💓
"QUEREMOS E LOITAREMOS POLA PAZ EN TODO O MUNDO"
Cada 30 de xaneiro, coincidindo co día do nacemento de Castelao, celébrase o Día da Ilustración. Esta é unha iniciativa da Consellería de Cultura, Educación e Universidade en colaboración coa Asociación de Profesionais da Ilustración. Unha data que serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. Este ano o protagonista é Reimundo Patiño pintor, gravador e autor de BD. "Pioneiro da arte contemporánea galega."
O día 21 de decembro celebramos no noso centro o Nadal, coa 1ª FESTA DE FIN DE ANO co seguinte itinerario:
- Decoracións de aulas e espazos comúns do centro.
- Visita de Papa Noel.
- Badaladas e uvas (gusanitos)
- Festa cotillón con bailes e cancións típicas destas datas.
Unha xornada moi especial.
RECOMENDACIÓNS LECTORAS
Ler é un hábito que se exercita, por iso, canto máis lemos máis gañas temos de continuar facéndoo.
O nadal son unhas festas perfectas para animar os nenos/as a que inclúan como agasallo, os seus libros favoritos, así, inculcarémoslles o amor polos mesmos.💓💓
