O xoves, 23 de abril, celebraremos o día do libro cun ROTEIRO LITERARIO en colaboración cos nenos/as de 1º ESO do IES RÍO MIÑO, os cales contarán contos a todos os nenos/as do cole, en pequenos grupos e adaptados ás distintas idades.
Será unha xornada moi especial tanto para os nenos/as do IES como para nós. Grazas ó profesorado da biblioteca por permitir este encontro.😍😍
Hoxe, os nenos/as de 5°e 6° de E.P asistiron ao Parque Infantil de Tráfico (PIT) en Lugo, ubicado no Parque da Milagrosa, onde se formaron en actividades teóricas e prácticas con bicicletas, karts e sinalizacións renovadas (EDUCACIÓN VIAL). Esta formación escolar é unha proposta impulsada polo Concello de Lugo e a DXT. Unha proposta moi interesante e divertida. Grazas
Onte, martes, tivemos unha visita especial no colexio: a de Diego Viaño, meteorólogo e presentador da TVG de Galicia.
O alumnado de 3º a 6º participou en dúas actividades didácticas relacionadas coa meteoroloxía. Dun xeito ameno, explicounos que son as borrascas, os anticiclóns e como se fan as previsións do tempo, algo que espertou moita curiosidade entre os nenos e nenas.
Tamén houbo tempo para participar. O alumnado puido facer preguntas e, ademais, meterse no papel de profesionais da televisión, recreando un pequeno programa do tempo.
Grazas a Diego e a TVG pola súa visita e por achegarnos ao mundo da meteoroloxía de forma tan directa.
Exposición dedicada a "Historia e Cultura do Pobo Xitano"
O obxectivo didáctico principal desta iniciativa é dar a coñecer a fondo a riqueza da súa historia e loitar activamente contra os prexuízos, fomentando un espazo de respecto e aprendizaxe mutua.
Obradoiros con xornais ,realizados polos nenos/as de E. Infantil para celebrar a SEMANA DA PRENSA.
Para celebrar o 8 de Marzo, Día Internacional da Muller, no colexio organizamos un OBRADOIRO CREATIVO para elaborar un mural moi especial. O mural mostra a silueta dunha muller co pelo formado por moitos corazóns de papel en 3D.
Cada un dos nosos alumnos realizou o seu propio corazón, ó abrilo, no seu interior desprégase un tulipán. Con este xesto lembramos que todas as persoas somos únicas e valiosas, e que nun mundo con igualdade, respecto e liberdade todas podemos florecer.
Para que a mensaxe sexa aínda máis clara, escolleuse a frase de Rosa Luxemburgo: "Por un mundo onde sexamos: socialmente iguais, humanamente diferentes e totalmente libres".
Con este traballo queremos celebrar a igualdade e a liberdade de todas as mulleres, poñendo no centro o valor de cada persoa.
Agardamos que vos guste tanto como a eles facelo e Feliz 8 de Marzo a todas!💜💜
O día 23 de febreiro celebramos o DÍA DE ROSALÍA DE CASTRO cun obradoiro de ARCILLA POLIMÉRICA e PINZAS DE CROCODILO onde cada un dos nenos/as de E.I e E.P realizaron un portafotos. Asemade, traballamos sobre a biografía da mesma a través de vídeos e xogos virtuais a nivel de aula.💗
Despois dunha semana chea de traballo... obradoiros, mandados do meco, decoracións.... hoxe festexamos o ENTROIDO "PIRATA" no pavillón, con desfile, coreografía conxunta, lectura do pregón do colexio e manifesto, queima do MECO e moita música e baile pirata. Grazas as familias pola vosa colaboración e participación nas actividades do centro. Feliz Entroido!!!
Para comezar esta celebración, o día 4 de febreiro os nenos/as de 4º, 5º e 6º de E.P participaron nun obradoiro "ENTROIDO SEGURO" promovido polo Instituto Galego de Consumo e da Competencia, co obxectivo de ofrecer pautas para unha compra e un uso seguro dos produtos típicos destas datas,
Ao longo destes últimos días, o alumnado estivo traballando en distintos obradoiros para conmemorar o Día Escolar da non Violencia e da Paz, que se celebrou o 30 de xaneiro.
Dentro destas actividades, entre todos e todas realizaron un mural da paz con forma de arco da vella. Cada curso puxo a súa parte e, ao unilas, creouse unha obra común chea de cor e significado. O mural representa que, aínda que somos diferentes, xuntos e xuntas construímos a paz a través do respecto, a convivencia e a amizade.
Resumo de todos os obradoiros e actividades realizadas na semana do 15 ó 19 de decembro como motivo de celebración do NADAL: Recomendacións lectoras, obradoiros de manualidades, obradoiros INFONADAL, visita da APALPADORA, actuación do MAGO TETO e para rematar o venres 19, badaladas con chocolate, churros e panettone, visita de PAPÁ NOEL e moita festa.
BOAS FESTAS A TOD@S!!
RECOMENDACIÓNS LECTORAS PARA NADAL
Actuación do MAGO TETO para todos os nenos/as do cole e familias.(18DEC)
Obradoiro de consumo responsable: os xoguetes no Nadal. Escola de Consumo. INFONADAL.
Obradoiros de manualidades para decorar os distintos espazos do centro.
