DÍA DO LIBRO 2022

 O día 22 de abril co gallo do DÍA DO LIBRO organizamos no noso centro o I ROTEIRO LITERARIO coa colaboración dos nenos/as de 6º curso (voluntariado da biblioteca)

Tendo en conta que a lectura, segundo a ciencia ten unha morea de beneficios, o longo desta xornada todos os nenos/as de Educación Infantil e Educación Primaria desfrutaron de varias sesións de contacontos, audiocontos, vídeocontos e contos cooperativos.

Unha actividade realizada con moito esforzo e ilusión por toda a Comunidade Educativa, pero que resultou ser todo un éxito.

NORABOA A TOD@S!  LER É UN PRACER!

VIAXE CULTURAL: "O VALADOURO"

 O día 19 de abril todos os nenos/as de 5º e 6º de Educación Primaria  fixeron unha viaxe cultural a "O VALADOURO" acompañados polas súas titoras e o mestre de Educación Física.

Unha viaxe totalmente gratuíta concedida e incluída na programación de Bens de Interese  Histórico e Cultural da Deputación de Lugo.

Unha xornada de aprendizaxe na natureza onde descubriron os encantos deste concello da Mariña interior. (Monumentos  históricos, xardíns históricos, rutas de senderismo...)

                                                              👋👋👋😍😍😍

DÍA MUNDIAL DA SAÚDE

 II CARREIRA SOLIDARIA: "KM DE SOLIDARIDAD"

O día 7 de abril co gallo do Día Mundial da Saúde organizamos no noso centro a II CARREIRA SOLIDARIA "KM DE SOLIDARIDAD" coa colaboración de Save the Children, unha ONG que recauda fondos para a supervivencia dos nenos/as no corno de África.

Grazas a colaboración de todas as familias que participaron para que estes nenos/as teñan unha vida un pouco mellor!

Noraboa a todos os nenos/as do cole por colaborar na súa organización e participar con tanta ilusión nesta iniciativa

👏👏👏👏👏💓💓

OBRADOIROS DE IGUALDADE

 O longo desta semana realizáronse diferentes obradoiros de Igualdade en Educación Infantil e Educación Primaria (1º -4º) coa colaboración do Concello de Rábade. O obxectivo principal era rachar con estereotipos e roles de xénero que seguen presentes na sociedade e sobre o traballo igualitario nas tarefas do fogar, todo isto a través do conto e do teatro. Unha formación moi fortificante.

💓👋👋

PLAN LECTOR: HORA DE LER!

O venres día 1 de abril os nenos/as de 6º de Educación Primaria tiveron un encontro  coa escritora do libro "ZOA E AZOR", An Alfaya. Un libro incluído dentro do Plan Lector para o fomento da lectura.

An Alfaya contoulles moitas anécdotas,  entre elas, en que se inspirou para redactalo, que pretendía contar, as súas experiencias ó escribilo, debateron sobre o protagonista do conto, sobre o resto das personaxes.... e para rematar asinoulles os seus libros e escribiulles unha dedicatoria.

Unha aprendizaxe activa e significativa e unha xornada moi especial.

 Grazas pola túa visita.

                                                               😍😍😍😍👏👏👏

PROXECTO TERRA

 "Eu son inspectora urbanística. Coida do territorio, coida do teu"

Actividade organizada pola Consellería de Medioambiente e o Colexio oficial de Arquitectos de Galicia dentro do Proxecto Terra no que participa o noso centro neste curso, co obxectivo de sensibilizar, concienciar, divulgar e formar ó alumnado en relación ao medioambiente e a organización do territorio. Uso responsable e sustentable do territorio.👋👋

SEMANA DA PRENSA 22

 O longo desta semana (7 - 11 abril) co gallo da Semana da prensa con moitas actividades  a nivel de aula.

Todo o alumnado de Educación Infantil e Educación Primaria recibiron un xornal ´"El Progreso" coa colaboración desta entidade e o Concello de Rábade para traballar distintos tipos de noticias.

Eliximos diversas seccións habituais do xornal: Primeira páxina, A Fondo, Galicia, España, Internacional, Economía, Sociedade, Cultura, Deportes, Pasatempos, TV, Última páxina...

En Educación Infantil os nenos/as de 4 anos fixeron unha colaxe "HOXE SOMOS XORNALISTAS" e en Educación Primaria  leron e buscaron noticias relacionadas coa actualidade no noso país e no continente americano tanto no xornal como a nivel dixital. Buscaron todo tipo de xornais de todo o mundo... Proxecto no que estamos a traballar este ano "Rabadín viaxa por América".

NORABOA!

CONCERTO DE PAKOLAS: "ROCKENDO CON RAMONA A ÓRBITA, A DONA DO TEMPO"

 Hoxe no noso cole, todos os nenos/as de Educación Infantil e Educación Primaria tiveron a sorte de desfrutar da actuación de Paco Cerdeira, onde presentou o seu último librodisco: "Rockeando con Ramona a órbita, a dona do tempo".

Grazas o Concello de Rábade por esta proposta tan xenial e divertida.

👐👐💓💓

DÍA INTERNACIONAL DA MULLER (8 MARZO 2022)

Como cada 8 de marzo, celebramos o Día Internacional da Muller con distintas actividades, para recoñecer a súa tenacidade, o seu empoderamento, a súa labor en distintos campos, a capacidade de sensibilizar e de ser un exemplo de valentía en todo o mundo.

Hoxe no noso cole realizáronse diferentes actividades relacionadas con dita temática:

Obradoiro de manualidades: "As mulleres da miña vida"

Obradoiro de manualidades con candeas.

Vídeos e curtametraxes sobre a historia do Día Internacional da muller e sobre a igualdade de xénero.

Recomendacións de lecturas sobre a Igualdade de Xénero...

FELIZ DÍA DA MULLER A TODAS AS NOSAS NAIS E A TODAS AS MULLERES DO MUNDO!

💓

ENTROIDO 2022

 O día 25 de febreiro culminamos a festa do ENTROIDO cunha morea de actividades realizadas ó longo da semana:

- Decoración de espazos comúns do centro.

- Manualidades nas aulas en relación coa conmemoración.

-Realización das Tanxugueiras a modo de entroido.

- Realización do Meco "Covid-19"

O día 25 todos os nenos/as de Educación Infantil e Educación Primaria asistiron o cole disfrazados de forma libre e queimamos o Meco.